LENNY VULLINGS | Hôrster rock of roll
+555 5555 5555
mymail@mailservice.com
Emma, oh, Emma
Huil toch neet um meej
Ik heb Kroeëneberg verloate
Met ’n banjo op mien kneej
Emma, ge wet toch…
’t haij os noeit gebaat
Ow pap met zien ideeën waas meej noa daag twieej al zaat
’t Guf gen twedde kansen in ’n durp as dat van os
’t Sturmt op de Middenpieëlweg en ow pap vond dat ’t mos
Werken woeij ik nurges, of d’r waas noeit wat geschikts
De meulenaar vervloekt meej en de bekker geft meej niks
Ik schoeij mien eate beej elkaar en ik drink as ’n vis
Jenever blieft vur meej toch alt ’t moeiste wat d’r is
Ik zieh dan neet de beste, maar d’r is goud in meej verstopt
En ’t is da ‘k ‘t ‘r neet oetkrieg, angers haij ik ’t allang vergokt!
Dat zien mien gebreken, maar ik wil neet dat ge betreurt
Dat os kleine durp meej de weg op het gesteurd
Ik hueërde laatst van Isaac dat ’t durp, opgefokt
De boeëm van mien geborte het gekapt en opgestokt
Mien elders en mien oma hebben de foto’s umgedreijd
’t Guf in ’t ganse Kroeëneberg gen haan die naar meej kreijt
Vur meej gen ceremonie, gen gedenkstieën, gen gerucht
Beej ’t vallen van mien naam klinkt d’r niks angers as gezucht
Ik verwens de piengedachte, beej ’t huilen nar de moan
Dat ik noeit mier met ow in de Torrekoel mog stoan