Wie Het Rudy Gehouwd?

Wie het Rudy gehouwd

Op ’n kwoije en ozelige winternach?

Gemangeld op ’t asfalt

Wat speej en spiet vasthalt

Loog Rudy met ’n blauw oeëg op de maon gericht

Raspend en roerloos

Weerloos en weurdloos

Wie het Rudy gehouwd

Met ’n kille en wrieje voestslaag vannach?

De bokspiep in de aanval gescheurd

Gedrueëgd blood op zien shirt

As ’n kiend nar de veldslaag gesleurd

Keek Rudy onverstoorbaar naar de sterren

De hieëmel stil drievend

Eindloos en ieuwig

’n Hoest en en ’n steun

En Rudy keek um

En heej zei:

“Kel, mak ow gen zurgen

’t Is mar ’n schreumke

’t Kumt allemaol good

Echt waor, ’t kumt allemaol good, jong

We slaon os ‘r door, jong

’t Is mar ’n schroom”

Wie het Rudy gehouwd

Op ’n klaore en godverlaote pinksternach?

In ’n haatvolle, bieëstige daod

Tot moos gehouwd op straot

Loog Rudy met ’n blauw oeëg op de maon gericht

De mussen in de heggen

Zingen vurzichtig de merge

’n Hoest en ’n steun

En Rudy keek um

En heej zei:

“Kel, mak ow gen zurgen

’t Is mar ’n schreumke

’t Kumt allemaol good

Echt waor, ’t kumt allemaol good, jong

We slaon os ‘r door, jong

’t Is mar ’n schroom”